مين دكتور/ ماجد موسي؟

اتخرجت من كلية طب الفم والأسنان القصر العينى سنة 2002، واثناء فترة الأمتياز لما كنا بناخد دورات فى كل قسم بالكلية لقيت شغفى وحبى لعلاج الاطفال هو المسيطر علي.

عشان كده اتخصصت فى علاج اسنان الأطفال ودرست جودة تقديم خدمات صحية و مكافحة عدوى من الجامعه الامريكية بالقاهرة، كنت دايما بدور على مكان اقدر امارس فيه التخصص ده و ولقيت المكان ده فى مصر فى واحد من مراكز الأسنان الكبيره مركز دار الأسنان.

سافرت السعوديه لمدة عشر سنين للعمل فى مستشفى أندلسية فى جده واسست هناك قسم علاج اسنان الأطفال وكان عبارة عن 3 عيادات منهم واحده تم تأسيسها داخل العمليات، عملت هناك اكتر من 1200 حالة تخدير كلى موثقة من وزارة الصحة السعوديه و تم تكريمى مرتين من إدارة المستشفى و كنت رئيس قسم الأسنان اخر اربع سنوات.

من التخرج للحظه دى وانا كل تدريبى و المؤتمرات الى بحضرها و شغلى خاص بأسنان الأطفال و التقويم وده لاني مؤمن بأهميتة.

الحمد لله حققت نجاحات فى المجال ده و اخرها زمالة العلاج الإكلينيكى بالليزر.

وفرت في العيادة جهاز الليزر المائى لعلاج أسنان الأطفال واللى بيساعدنا نعالج معظم مشاكل الأطفال بدون الم.